Skip to Secondary Navigation Skip to Main Content

Current Domain

في هذا القسم

عايز اتعلم

 

 

طول عمرنا بندرس بشكل واحد مبيتغيرش ، وشكل فصولنا واحد مبتتجددش ، المدرس يدخل ، يشرح الدرس ، فاهمين يا ولاد ، أي اسئلة ، وطبعا يا ويله اللي يبقي عنده سؤال !!!

طبعا ده غير المدرسين المعقدين ، واللي بيجبروا الطلاب انهم لازم ياخدوا دروس عندهم ، والمدرسين اللي اسرع طريقه عندهم هى الضرب او التخويف مين ينسي اوضة الفيران ؟؟؟؟

ويطلع الولد من ابتدائي لاعدادى لثانوي للجامعة متعود علي نفس الشكل ، عشان كدة اغلب الناس لو سألتها ف أي حاجة من المواد اللي اخدتها تلاقيها مش فاكرة أى حاجة ده مش بعيد تستغرب وتقولك ايه ده هو انا كنت باخد الحاجات دى ؟

عشان كدة بدأنا نفكر ان لازم يكون في تغيير ، لازم الطالب يحب الدراسة ويحب المدرسة والمدرس ، بدأنا نشوف البلاد التانية بتعمل ايه مع الطلاب .

اولا وثانيا وثالثا ان لازم الطلاب والمدرسين يتعاملوا مع بعض باحترام ، نعلم الطلاب الطموح وانه لازم بكرة وبعده يبقي حاجة كبيرة في بلده ، تصحيح وجهات النظر الخاطئة باسلوب سليم ، المدرس لازم يتأكد ان كل الطلاب فهموا الدرس ويراعي ضميره اللي هيحاسبه عليه ربنا ، ويتابع الطرق الجديدة الصحيحة في التعلم واللي جابت نتايج كويسة اولا عشان الطلاب تلاقي تجديد ، ثانيا ان اكيد الطرق الجديدة هتوصل المعلومة بشكل افضل من التلقين اللي اتعودنا عليه ، ودي بعض من الطرق اللي ممكن تستخدموها :

الاكتشاف ، وده طبعا بيرضي الفضول عند اغلب الاولاد ،وفي نفس الوقت بيخليهم يشغلوا مخهم وبالتالي بينمى الابداع والتفكير عندهم .

التعلم باللعب ، الالعاب بتأثر علي الاولاد وبتنمى مهاراتهم وتفكيرهم وفي نفس الوقت بتوصل المعلومة بشكل جيد جدا وبالتالي المعلومة مش هتتنسي ابدا، وطبعا الولد هيحب المدرسة جدا .

التعلم التعاوني ، ان يتم تقسيم الفصل لمجموعات وكل مجموعة تبدأ تفكر في حل سؤال من ضمن مجموعه اسئلة ، لما يتم الاجابة عليهم توصل للهدف من الدرس .

انك قبل ما تبدا الدرس اسأل الاولاد انتوا تعرفوا ايه عن (اسم الدرس) وشجعهم واعمل هدايا او أي شئ رمزى .

نمى في الاولاد انهم يفكروا ويبحثوا ويعرفوا اكتر وعرفهم علي الاماكن اللي ممكن يلاقوا فيها المعلومات .

ويمكن بكدة نقدر نخرج جيل مختلف بيحب الدراسة والعلم ، يقدر بكرة وبعده يخدم بلده بجد ويطورها لانه هيعرف يفكر بابداع وابتكار .

2.5
المعدَل 2.5 (2 votes)
Your rating: لا يوجد
© حق النشر 2001 - 2017 One Global Economy Corporation